الي يعيش ياما يشوف

[center]خراب فساد ضياع عنوسه تشرد اولاد شوارع حوادث سرقه جهل تخلف موت !!!!!!!

كل ده والناس عيشين ما بين صحيين ونيمين فقراء غلابه بس مستريحين

الناس في مصر ياساده نوعين نوع عايش ونايم علي حرير ونوع عايش بس علي لحم بطنهم نيمين

الكل ماشي ما بين شمال وما بين يمين بس مشيين

لا عرفين لفين رايحين ولا من وين جيين

مابين مؤتمرات وقررات واحكام ملغيه واحكام حبس علي ناس مظلومين

بس والله عيشين

اعضاء ابن مصر معانا بردوا ولا مش مهتمين

طيب ما تيجي ناخد اصوات الناس علي الجنبين

جنب البنات وجنب تاني للبنين

ها مين فيكوا من النوعين مستريح ولا كلكوا تعبنين

مش عارف بصراحه انا بقول ايه انا اتجننت ولا ايه

والله حال البلد مش مريح لصغر ولا كبير لغني عاجبه حاله ولا فقير

مدرس يموت واد وزميله علي البنات شغلين

واحد في الاسكندريه والتاني في راس التين

والوزير بيقول 50 و 50 طيب ده مش بزمه شغل مجنين

اللحمه غاليه والفول بقي بخمسين لا بستين والرز بسبعين

طيب ناكمل ايه ولا مش مهم الاكل المهم الكرامه

اي كرامه مراحت ياعم من زمان والله يرحمك ياضمير

بجد شويه

مين عجبه حال البلد ؟

طيب ممكن حد يعرفني احنا ريحين علي وين ؟

لا حد عارف احنا لفين رايحين ولا من وين جيين !!!!

حكومه غبيه لا عارفه الفرق بين الملح والملوخيه

ال وايه يقولوا الحكومه الذكيه!!!!

طيب فين المعارضه صوت الامه الابيه

معرضة ايه ياعنيبه مخلاص ركبوا العربيه

والله محد عارف احنا صح ولا هما محدش يعرف احنا مسلمين ولا هما محدش عارف احنا وطنيين ولا هما

احنا عايشين ولا هما احنا خدامين للبلد وللناس ولا هما

عارف ان انا كلامي غريب لكن اكيد اكيد الفرج قريب

ان شاء الله قريب

جمال بقي ولا زكريا كمال ولا عز فرحات ولا حتي مينا

اي حد يحكم بس ياخد باله من مصالح الناس شويه

عسكري ولا مدني وطني ولا سني شيوعي حتي ولا ناصري المهم يغير ويحسس الناس بالامان شويه

والله احنا كويسين ومن غير حد يحكمنا عيشين بس المهم الي ييجي نكون عليه موفقين ولقرراتوا مؤيدين

ياناس الضرب في الميت حرام والحرام واللحمه في البلد بالجرام وانفلونزا الطيور في المدينه قبل الريف

ومش عاوز حد يخاف لما اقول اننا بعد شهريين مش هنلاقي العيش الحاف

لا مش عاوز حد يخاف او يكون خواف احنا لسه ياما من الفقر والجوع هنشوف

بس نتكلم شويه علي المكشوف

والس يعيش ياما يشوف بس الي يعيش في مصر اكيد هيشوف اكتر..

[/center]